කුමන්ත්‍රණ ආණ්ඩුවේ අගමැති මහින්ද රාජපක්ෂට ඔහුගේ කැබිනට් මණ්ඩලයට අදාළ ධුර දැරීම වළකාලමින් අභියාචනාධිකරණය නිකුත් කර තිබූ අතුරු තහනම් නියෝගය අභියාචනය විභාග කෙරෙන තෙක් ඉවත් කරන ලෙස කළ ඉල්ලීම ත්‍රිපුද්ගල ශ්‍රේෂ්ඨාධිකරණ විනිසුරු මඬුල්ලය ඒකමතිකව ප්‍රතික්ෂේප කර තිබේ.
ඊවා වනසුන්දර, බුවනෙක අලුවිහාරේ සහ විජිත් එම් මළල්ගොඩ යන ත්‍රිපුද්ගල විනිසුරු මඩුල්ල හමුවේ මෙම පෙත්සම විභාගයට ගැණිනි.
එසේම මහින්ද රාජපක්ෂ මහතා ගොනු කළ අභියාචනා පෙත්සම විභාගයට ගැනීමට අධිකරණය අවසර ලබාදී තිබෙන අතර එම පෙත්සම් විභාගය ජනවාරි 16, 17, 18 දිනවල පැවැත්වීමට නියමිතව ඇත.
පෙත්සම් විභාගය පංච පුද්ගල විනිසුරු මඬුල්ලක් ඉදිරියේ සිදු කිරීමට අවශ්‍ය නම් අදාළ ඉල්ලීම ශ්‍රේෂ්ඨාධිකරණයට යොමු කරන ලෙස ද ශ්‍රේෂ්ඨාධිකරණය දැනුම් දී තිබේ.