පාර්ලිමේන්තුව විසිරුවා හැර මහ මැතිවරණයක් කැඳවමින් ජනාධිපතිවරයා නොවැම්බර් මස 09 වැනිදා නිකුත් කළ අංක 2096/70 දරණ අති විශේෂ ගැසට් නිවේදනය අහෝසි කරන ලෙස ශ්‍රේෂ්ඨාධිකරණය අද (13) නියෝග කළේය.
ශ්‍රේෂ්ඨාධිකරණය එම නියෝගය කළේ පාර්ලිමේන්තුවට විසිරුවා හැරීමට එරෙහිව ගොනු කළ මූලික අයිතිවාසිකම් පෙත්සම්හි තීන්දුව ප්‍රකාශයට පත් කරමිනි.
අග විනිසුරු නලින් පෙරේරා, ප්‍රමුඛ සත් පුද්ගල විනිසුරු මඩුල්ලක් යටතේ පසුගිය 4 වැනිදා සිට 7 වැනිදා දක්වා පෙත්සම් විභාග වූ අතර මෙම තීන්දුව විනිසුරුවරුන් හත්දෙනාගේම ඒකමතික තීන්දුවක් විය.