කුමන්ත්‍රණ ආණ්ඩුවේ අගමැති මහින්ද රාජපක්ෂ හෙට (16) එම ධුරයෙන් ඉල්ලා අස්වෙන බව පාර්ලිමේන්තු මන්ත්‍රී ලක්ෂ්මන් යාපා අබේවික්‍රම පවසා තිබේ.
ඔහු මේ බව ප්‍රකාශ කර ඇත්තේ ජනාධිපතිවරයා සහ එක්සත් ජනතා නිදහස් සන්ධාන මන්ත්‍රී කණ්ඩායම අතර අද (15) සවස ජනාධිපති ලේකම් කාර්යාලයේ දී පැවති සාකච්ඡාවකින් අනතුරුව ය.
අද සාකච්ඡාවේදී ගත් තීන්දුව අනුව හෙට දිනයේ දී විශේෂ ප්‍රකාශයක් සිදු කරමින් මහින්ද රාජපක්ෂ අගමැති ධුරයෙන් ඉල්ලා අස්වෙන බව වාර්තා වේ.
මහින්ද රාජපක්ෂ මහතාගේ පුත් පාර්ලිමේන්තු මන්ත්‍රී නාමල් රාජපක්ෂ ද ට්විටර් පණිවිඩයක් නිකුත් කරමින් ඉල්ලා අස්වීමේ තීරණය ගැන ප්‍රකාශයට පත් කර ඇත.