මෙරට උපනූපන් දුවා දරුවන්ගේ නාමයෙන් ප්‍රජාතන්ත්‍රවාදය ආරක්ෂා කරමින් සිය වගකීම සහ යුතුකම ඉටු කරන ලෙසට ජනපති මෛත්‍රිපාල සිරිසේනට බල කිරීමේ උද්ඝෝෂණයක් අද (28) කොළඹදී පැවැත්වීමට නියමිත ය.
“අපේ දරුවන් සුරකින්න- ව්‍යවස්ථාව රකින්න” නමින් ස්වාධින කාන්තා සමුහයක ප්‍රධානත්වයෙන් සංවිධාන කෙරෙන මෙම විරෝධතාවය අද පස්වරු 3 ට කොළඹ ගාලු මුවදොර වටරවුමේ දී පැවැත්වෙනු ඇත.
අපේ දරුවන්ගේ අනාගතය වෙනුවෙන් ඒ සඳහා සහභාගී වන මෙන් සංවිධායකයින් සියලු පුරවැසියන්ට ආරාධනා කර සිටින අතර කලු පැහැ ඇඳුමින් පැමිණෙන ලෙස ද වැඩිදුරටත් දන්වා සිටියි.