කුමන්ත්‍රණ ආණ්ඩුව පිහිටුවීමත් සමඟ රටේ මතුව ඇති දේශපාලන අස්ථාවරභාවය නිසා මහා නගර සහ බස්නාහිර සංවර්ධන අමාත්‍යංශය වෙත ලැබී තිබූ ඩොලර් බිලියන 1.4ක් වටිනා සැහැල්ලු දුම්රිය ව්‍යාපෘතිය අහිමිවයාමේ අවධානමක් මතුව ඇතැයි වාර්තා වෙයි.
මහා නගර සහ බස්නාහිර සංවර්ධන අමාත්‍ය පාඨලී චම්පික රණවක අද (02) එම අමාත්‍යංශය වෙත ගොස් කටයුතු සම්බන්ධව සොයා බැලීමේදී මෙය හෙළි වී තිබේ.
ඒ අනුව වැඩිදුරටත් වාර්තා වන්නේ රටෙහි වත්මන් දේශපාලන තත්වය සැලකිල්ලට ගෙන ජපන් රජය ආධාර ලබාදීම නවතා ඇති බවයි.
කෙසේ වෙතත් අමාත්‍යංශ ලේකම්වරයා ඇතුළුව ප්‍රධානීන් කැඳවූ අමාත්‍යවරයා උපදෙස් ලබාදී ඇත්තේ රටේ සංවර්ධනය උදෙසා අරඹා ඇති කිසිඳු ව්‍යාපෘතියක් අඩාල නොකර ඉදිරියට ගෙනයන ලෙස යි.