කොළඹ ෆ්ලවර් රෝඩ් හී පිහිටි අග්‍රාමාත්‍ය කාර්යාලය සහ ඒ පරිශ්‍රයේ සිටින සියලු කාර්ය මණ්ඩල නිලධාරීන්ට පූර්ව අවසරයකින් තොරව දුරකථන භාවිතය තහනම් කොට තිබේ.
අග්‍රාමාත්‍ය අතිරේක ලේකම්(පාලන හා සංවර්ධන) ඒ.එච්. සුනිල් ගුණවර්ධනගේ අත්සනින් යුතුව නිකුත් කර ඇති නිවේදනයක් මඟින් මෙම නියෝගය ලබා දී ඇති අතර එය කුමන්ත්‍රණ ආණ්ඩුවේ අගමැති මහින්ද රාජපක්ෂගේ අණ පරිදි ලබා දී ඇතැයි වාර්තා වේ.
ආයතනයේ විනය පවත්වාගෙන යාමේ අදහසින් මෙම තීරණය ගත් බවට ප්‍රකාශ වුවත් අග්‍රාමාත්‍ය කාර්යාලයේ කෙරෙන කතාබහ සැනින් එසැනින් අග්‍රාමාත්‍ය රනිල් වික්‍රමසිංහ සහ ජනාධිපති මෛත්‍රිපාල සිරිසේන වෙත වාර්තා වන බවට මතුව ඇති සැකය හේතු කොටගෙන නියෝගය ලබා දී ඇති බවට දැනගන්න ලැබේ.