2023 වසරේ එවක ජනාධිපති රනිල් වික්රමසිංහ බ්රිතාන්යයේ සිදුකළ පෞද්ගලික සංචාරයක් වෙනුවෙන් මුදල් අනුමත කිරීම තුළින් රාජ්ය මුදල් අවභාවිතා කිරීමට ආධාර අනුබල දුන්නේ යැයි සැකපිට රක්ෂිත බන්ධනාගාරගත කර සිටින හිටපු ජනාධිපති ලේකම් සමන් ඒකනායක ඇප මත මුදාහරිණ ලෙස කොළඹ මහෙස්ත්රාත් අධිකරණය නියම කළේය.
ඒ අනුව සැකකරු රුපියල් මිලියන දෙක බැගින් වූ ශරීරය ඇප දෙකක් මත මුදාහරින ලෙස කොළඹ කොටුව මහෙස්ත්රාත් ඉසුරු නෙත්තිකුමාර නියෝග කළේය.
රක්ෂිත බන්ධනාගාර ගත කර සිටින සමන් ඒකනායක ඇප මත මුදාහරින ලෙස ඔහු වෙනුවෙන් පෙනී සිටි ජනාධිපති නීතිඥ කාලිංග ඉන්දතිස්ස පසුගියදා අධිකරණය හමුවේ ඉල්ලීමක් කර තිබුණි.
එම ඉල්ලීමට විමර්ශන සිදුකරන අපරාධ පරීක්ෂණ දෙපාර්තමේන්තුව වෙනුවෙන් පෙනී සිටි අතිරේක සොලිසිටර් ජෙනරාල් දිලීප පිරිස් දැඩි විරෝධය පළ කර තිබුණි.
දෙපාර්ශවය විසින් ඉදිරිපත් කළ කරුණු සලකා බැලීමෙන් අනතුරුව කොළඹ කොටුව මහෙස්ත්රාත් ඉසුරු නෙත්තිකුමාර විසින් අද (18) මෙම නියෝගය ප්රකාශයට පත් කළේය.