විදුලි සංශෝධන පනත් කෙටුම්පතේ ඇතැම් වගන්ති ආණ්ඩුක්‍රම ව්‍යවස්ථාවට පටහැනි බව ශ්‍රේෂ්ඨාධිකරණය විසින් දැනුම් දී ඇතැයි නියෝජ්‍ය කථානායක රිස්වි සාලි මහතා අද පාර්ලිමේන්තුවේදී නිවේදනය කළේය.
ඒ අනුව, එම වගන්ති සම්මත කර ගැනීමට නම් පාර්ලිමේන්තුවේ විශේෂ බහුතර ඡන්දයක් අවශ්‍ය වන බවත්, ඊට අමතරව ජනමත විචාරණයකින් ජනතාවගේ අනුමැතිය ද ලබා ගත යුතු බවත් ශ්‍රේෂ්ඨාධිකරණය පෙන්වා දී තිබේ.
කෙසේ වෙතත්, ශ්‍රේෂ්ඨාධිකරණය යෝජනා කර ඇති සංශෝධන ඇතුළත් කරන්නේ නම්, පනත් කෙටුම්පත සරල බහුතර ඡන්දයකින් සම්මත කර ගැනීමට හැකි වනු ඇතැයි ද නියෝජ්‍ය කථානායකවරයා වැඩිදුරටත් සඳහන් කළේය
විදුලි පනත ව්‍යවස්ථාවට පටහැනියි.. ජනමත විචාරණයක් කැදවන්නැයි ශ්‍රේෂ්ඨාධිකරණයෙන් දන්වයි
