ශ්‍රී ලංකා වෛද්‍ය සභාවේ මාසික රැස්වීම (30) දහවල් එම සභාවේ සාමාජිකයින් සහභාගීත්වයෙන් පවත්වන ලදි.
මෙහි දී රජයේ වෛද්‍ය නිළධාරීන්ගේ සංගමය විසින් රජයේ වෛද්‍ය සභාව වෙත අලුතින් පත්කරගන්නා ලද නව සභාපති වෛද්‍ය පාලිත අබේකෝන් කොහේ දැයි විමසා සිට ඇති අතර වෛද්‍යසභාවේඋපසභාපතිනිය විසින් දැනුම් දී ඇත්තේ නව සභාපතිවරයා විසින් එම තනතුර ප්‍රතික්ෂේප කර ඇති බවයි.
එහි දී වෛද්‍ය සභාව වෙත පත්කරන ලද ලිපිය වෛද්‍ය නවීන්ද සොයිසා විසින් රැගෙන විත් තිබූ අතර එහිදී වෛද්‍ය සභාවට මෙම පත්කිරීම සිදුකර ඇත්තේ රජයේ වෛද්‍ය නිලධරීන්ගේ සංගමයේ වුවමනාවට බව උලුප්පා පෙන්වීමට උත්සාහ කර ඇති බවට වාර්තා වේ.
එහි දී වෛද්‍ය සභාවේ සාමාජිකයින් පවසා ඇත්තේ මෙය දේශපාලන අතපෙවීමක් බවත් මෙවැනි ක්‍රියාවත් ඉතිහාසයේ කිසිදු දිනක වෛද්‍ය සභාව තුල සිදුව නොමැති බවත් ඒ අනුව වෛද්‍ය පාලිත අබේකෝන් මහතාඅපහසුතාවයට ලක්කර ඇති බවත් මෙම තනතුර භාර නොගැනීමට මෙය එක හේතුවක් බව දක්වා ඇත.
ඒ සමගම වෛද්‍ය අඥාපනතට පිටුපාමින් හිටපු සෞඛ්‍ය අමාත්‍යවරයා විසින් පත්කරන ලද කමිටුව අහෝසි කරන ලෙස ඉල්ලමින් වෛද්‍ය පාලිත අබේකෝන් මහතාගේ නමට සදහන් කරමින් ලිපි දෙකක් යොමුකර ඇති බවටත් වාර්තාවේ.
මෙහි දී මෙම කමිටුව පත් කරන ලෙස හිටපු සෞඛ්‍ය අමත්‍යවරයාගෙන් එවකට වෛද්‍ය සභාව විසින් ඉල්ලීමක් ඇති බවට වාර්තා වේ.
මෙහි දී රජයේ වෛද්‍ය නිලධාරීන්ගේ සංගමයේ සභාපතිවරයා වෛද්‍ය පාදෙනිය විසින් ප්‍රකාශ කර ඇත්තේ තම සංගමයේ ඉල්ලීම මත ඉහත කමිටුව විසිරුවා හරින ලද බවයි.
එහි දී එම ප්‍රකාශයට වෛද්‍ය සභාවේ සියලුම සාමාජිකයින් සිය විරෝධය පලකර ඇති අතර මෙහිදී කෝපයට පත් වෛද්‍ය නවීන්ද සොයිසා විසින් ජාතික ළමාරක්ෂක අධිකාරියේ ප්‍රථම සභාපතිවරයා වූ මහාචාර්යහරේන් ද සිල්වා මහතාට බැනවැදි පහරදීමට ද සූදානම් වී ඇති අතර වෛද්‍ය සභාවේ උපසභාපකිනියගේ හා අනෙකුත් සාමාජිකයින්ගේ මැදිහත්වීම මත එම ආරවුල පසුව සමතයකට පත්ව ඇති බවට වාර්තා වේ.
එහි දී ඉන් පිටව ගිය සාමාජිකයින් පවසා ඇත්තේ මෙවැනි හැසිරීමක් වෛද්‍ය සභාව තුල කිසිදු දිනක සිදු නොවී ඇති බවත් අඩු වුණේ මිරිස්කුඩු බවත්ය.