ජනාධිපති මෛත්‍රිපාල සිරිසේන සහ කතානායක කරූ ජයසුරිය අතර ඊයේ (29) දින පැවති විශේෂ හමුවෙන් පසු ඇතිකරගත් එකඟතාවයන්ට අනුව අද (30) විපක්ෂ නායකවරයා සහ එක්සත් ජාතික පෙරමුණේ සෙසු නායකයින් ජනපති හමුවී සාකච්ඡා කිරීමට නියමිත ය.
කතානායක කාර්යාලය විසින් ඊයේ (29) දින නිකුත් කළ නිවේදනයක මේ බව සඳහන් වේ.
රට තුළ උද්ගතව ඇති අවුල්සහගත දේශපාලන වාතාවරණය නිසා සෑම අංශයකින්ම රට තුළ අස්ථාවර තත්වයක් ඇතිවෙමින් පවතින බවත් ඊට කඩිනම් විසඳුම් ලබා ගැනීමට අවශ්‍ය බවත් එම හමුවේදී කතානායකවරයා පෙන්වා දී ඇති අතර ඊට ජනාධිපතිවරයාගේ එකඟතාවය හිමිවූ බවත් එම නිවේදනයෙහි දැක් වේ.
එසේම දේශපාලන ආරංචි මාර්ග සඳහන් කර සිටින්නේ දෙමල ජාතික සන්ධානයේ නියෝජිතයන් අද (30) පස්වරු 6 ටත් එක්සත් ජාතික පෙරමුණේ නියෝජිතයින් පස්වරු 7 ටත් ජනාධිපති ලේකම් කාර්යාලයේදී ජනාධිපතිවරයා මුණගැසීමට නියමිත බවයි.
කතානායක කාර්යාලය නිකුත් කළ නිවේදනය පහතින්,
