113 නැතිනම් බලහත්කාරයෙන් ආණ්ඩුවේ නොසිට තීරණයක් ගෙන විපක්ෂයට යා යුතු බව එක්සත් ජනතා නිදහස් සන්ධානයේ පාර්ලිමේන්තු මන්ත්‍රී කුමාර වෙල්ගම පවසයි.
ඔහු මේ බව ප්‍රකාශ කළේ අද(16) පාර්ලිමේන්තු සභා ගැබෙන් පිටව යන අවස්ථාවේ දී ය.
“අද කතානයවරයාට ඇතුලට එන්න වත් අවස්ථාවක් ලැබුණේ නැහැ. ගැලරියේ ඉඳන් විදෙස් නියෝජිතවරු බලාගෙන හිටියා ඒවා වීඩියෝ කළා. හැසිරීම ඉතාම කණගාටුදායකයි, රටට අත්වෙන ඉරණම ගැන ඉතාම කණගාටුදායකයි.
බහුතරයක් නැතිව පාර්ලිමේන්තුවේ ඉන්න බැහැ. 113 ඉන්න පැත්තට අවස්ථාව දෙන්න කියලා අපේ පක්ෂයේ මුලින්ම කිව්වේ මම. අදත් මම ඒ මතයේ ඉන්නේ. අපිට විපක්ෂයයි ආණ්ඩු පක්ෂයයි දෙකම හුරුයි. මම අවුරුදු 25 ක් පාර්ලිමේන්තුවේ හිටියා. කවදාවත් මෙහෙම දෙයක් වුණේ නැහැ. ඉතිහාසයේ පලවෙනි වතාවට ගැලරිය වටේ ඉඳන් කට්ටිය හූ කිව්වා, පොත් වලින් ගැහුවා. මට මහින්ද රාජපක්ෂ මහත්තයට කියන්න තියෙන්නේ 113 නැතිනම් තීරණයක් ගෙන විපක්ෂයට යා යුතුයි කියලා”