ජනාධිපති මෛත්‍රීපාල සිරිසේන මහතා 09 වැනිදා මධ්‍යම රාත්‍රියේ පාර්ලිමේන්තුව විසුරුවා හැරීමට කටයුතු කිරීමෙන් පසු එතෙක් පැවති දේශපාලන වාතාවරණය වෙනස් වී දැන් මැතිවරණයක උණුසුම දැනෙමින් තිබේ.
පසුගිය සති දෙකක පමණ කාලය තුළ දේශපලනික වශයෙන් පැවති ව්‍යාකූලත්වය තවදුරටත් එලෙසම පවතින අතර මේ වන විට ප්‍රධන පාර්ශව ද්විත්වය මහ මැතිවරණයට මුහුණ දීම සඳහා සූදානම් වීම ආරම්භ කර ඇත.
ඒ අනුව විශේෂයෙන් එක්සත් ජාතික පක්ෂයේ නායකත්වයේ වෙනසක් කිරීමට සූදානමක් ඇති බව වාර්තා වෙයි. ඒ සඳහා ඉදිරිපෙළ ක්‍රියාකාරිකයින් තිදෙනෙකුගේ නම් යෝජනා වී තිබේ. එනම් කරු ජයසූරිය, රවී කරුණානායක හා සජිත් ප්‍රේමදාසය යන තිදෙනාය. එක්සත් ජාතික පක්ෂයේ මෙම වෙනස්කම් වලට අදාළ සාකච්ජා මේ වන විට ආරම්භ කර ඇති අතර ඉදිරි දින කිහිපය තුළ නිල වශයෙන් පත්කිරීම සිදුවනු ඇති.
එමෙන්ම පුළුල් පෙරමුණකින් මැතිවරණය සඳහා ඉදිරිපත්වීමට නියමිත බවද වාර්තා වෙයි. ප්‍රජාතන්ත්‍රවාදය හා යුක්තිය වෙනුවෙන් පෙනී සිටින සියලුම කණ්ඩායම මෙම පෙරමුණ වටා ඒකාරාශී වීම සඳහා දැනටමත් සූදානමින් පසුවන බව සඳහන්. ඒ සම්බන්ධයෙන්ද අභ්‍යන්තර සාකච්ජා ආරම්භ වී අතර පොදු සලකුණක් යොදාගැනීමටද සාකච්ජා කෙරෙමින් පවතී.