පාර්ලිමේන්තුවේ බහුතර මන්ත්‍රී සංඛ්‍යාව වන 113 නොමැතිව සිදුකළ දිවුරුම් දීමෙන් කුරුණෑගල දිස්ත්‍රික් පාර්ලිමේන්තු මන්ත්‍රී මහින්ද රාජපක්ෂ මහතා බලවත් අපහසුතාවට පත්ව ඇති බව ඒකාබද්ධ විපක්ෂ ආරංචි මාර්ග පවසයි.
ඊළඟ පාර්ලිමේන්තු මැතිවරණයෙන් පිරිසිදු ජයක් ලබාගත හැකිව තිබියදී අනවශ්‍ය දේශපාලන පඹගාලක මහින්ද පැටලවීම මෙමගින් සිදු වී ඇති බව ඒකාබද්ධ විපක්ෂයේ බැසිල්වාදී කණ්ඩායමේ අදහස වී තිබේ.
මේ අතර බහුතරය පෙන්වාගත නොහැකිව ජනාධිපතිවරයාගේ පාර්ශ්වයද අසරණ වී ඇති බව වාර්තා වේ. කැබිනට් මණ්ඩලයේ සිටින ජනාධිපතිවරයාට හිතවත් ඇමතිවරුන් දෙදෙනකු දැනටමත් තම අප්‍රසාදය ජනපතිට දන්වා තිබේ. අසල්වැසි රටක්ද ඒ බව දන්වා ඇත. බහුතරය තමන් සතු බවත් හැකිනම් බහුතරය පෙන්වන ලෙසත් එක්සත් ජාතික පක්ෂය ජනපතිට අභියෝග කර ඇත.