ශ්රී ලංකාවට අවශ්ය ඕනෑම අවස්ථාවකදී උපකාර කිරීමට චීනය නිරන්තරයෙන් බලාපොරොත්තු වන බව ශ්රී ලංකාවේ චීන තානාපති ෂී ෂෙන්ග්හොන්ග් පවසා තිබේ.
අකුරණ බානාගල චීන භාෂා මධ්යස්ථානය විවෘත කිරීම ශ්රී ලංකාවේ චීන තානාපති ෂී ෂෙන්ග්හොන්ග් ගේ ප්රධානත්වයෙන් ඊයේ (13) සිදු කෙරින.
එම අවස්ථාවට සහභාගී වෙමින් ඔහු මේ බව ප්රකාශ කර තිබේ.
ශ්රී ලංකා චීන බෞද්ධ සංස්කෘතික හුවමාරු මධ්යස්ථානයේ අධ්යක්ෂ මානාගල පුරාණ විහාරාධිපති පූජ්ය පරණගම ඥාණවිමල නාහිමියන්ගේ මෙහෙයවීමෙන් ශ්රී ලංකාවේ චීන තානාපති කාර්යාලයේ අනුග්රයෙන් අකුරණ බානාගල චීන භාෂා මධ්යස්ථානය විවෘත විය.
මේ අතර, එහිදී ප්රදේශයේ ජනතාව සඳහා රුපියල් ලක්ෂ 20ක වටිනාකමින් යුත් වියළි ආහාර බෙදා දීමද මෙහිදී සිදුවූ අතර ශ්රී දළදා මාලිගාවේ දියවඩන නිලමේ ප්රදීප් නිලංග දෑල ඇතුළු පිරිසක් මෙම අවස්ථාවට එක් විය.
එහදී අදහස් දැක්වූ ශ්රී ලංකාවේ චීන තානාපති ෂී ෂෙන්ග්හොන්ග්,
"ඔබ හැමෝම දන්නවා චීනය සහ ශ්රී ලංකාව වසර 2000ක පටන් සමීප සබඳතා පවත්වන කල්යාණ මිත්ර රටවල් දෙකක්. ලාංකිකයින් මුහුණදෙන ඕනෑම දුෂ්කරතාවයකදී චීනය මුලින්ම ඉදිරිපත්වෙලා ඒ තත්ත්වයෙන් ගොඩ එන්න උදවු කරනවා. වත්මන් යුදමය තත්ත්වයත් එක්ක ලාංකිකයින්ට ඉන්ධන හිඟයක් ඇතිවුණත් විශ්වාසයි චීනය තමයි මුලින්ම ඉන්ධන විශාල ප්රමාණයක් පරිත්යාග කරන්න ඉදිරිපත් වුණ රට. දිට්වා කුණාටු සමයේදීත් විනාශ වූ පාලම් වැනි දෑ ඉදිකිරීම් සිදුකරලා චීනය සහයෝගය ලබාදුන්නා. ඒ වගේම චීනය බලාපොරොත්තු වෙනවා ලාංකිකයින්ට නිරන්තරයෙන් උදව් උපකාර කරන්න."