දූෂණ චෝදනාවක් සම්බන්ධයෙන් පාර්ලිමේන්තු මන්ත්රී චාමර සම්පත් දසනායකට එරෙහිව අල්ලස් කොමිසම ගොනු කර තිබෙන නඩුව අප්රේල් මස 30 වැනිදා කැඳවන ලෙස කොළඹ මහාධිකරණය නියෝග කළා.
මෙම නඩුව අද (24) කොළඹ මහාධිකරණ විනිසුරු රවීන්ද්ර ප්රේමරත්න ඉදිරියේ කැඳවනු ලැබුවා.
එහිදී ඉදිරිපත් වූ කරුණු සලකා බැලූ කරුණු සලකා බැලූ විනිසුරුවරයා, මෙම නඩුව පූර්ව නඩු විභාග සම්මන්ත්රණය සඳහා අප්රේල් මස 30 වැනිදා කැඳවන ලෙස නියම කළා.
2016 වසරේ ඌව පළාතේ ප්රධාන අමාත්යවරයා වශයෙන් කටයුතු කළ අවධියේ එම පළාත් සභාව සදහා රේඛනය කළ චෙක්පතක් සිය පුද්ගලික ගිණුමකට තැන්පත් කර ගැනීම තුළින් දූෂණය නමැති වරද සිදු කළ බවට චෝදනා කරමින් පාර්ලිමේන්තු මන්ත්රී චාමර සම්පත් දසනායකට එරෙහිව මෙම නඩුව ගොනු කර තිබෙනවා.