මෙම නඩුව අද කොළඹ මහාධිකරණ විනිසුරු මොහොමඩ් මිහාල් ඉදිරියේ කැඳවනු ලැබුණූ අතර, එහිදී අල්ලස් කොමිසම වෙනුවෙන් පෙනී සිටි නියෝජ්ය සොලිසිටර් ජනරාල් ජනක බණ්ඩාරගේ මෙහෙයවීම යටතේ ‘අනිකා විජේසූරිය’ නමැත්තියගේ සාක්ෂි සටහන් කර ගැනීම සිදු වුණා.
2016 පෙබරවාරි 12 වැනිදා සිට සැප්තැම්බර් 30 වැනිදා දක්වා කාලසීමාව තුළ මුදල් අමාත්යවරයා වශයෙන් කටයුතු කළ විත්තිකාර රවී කරුණායක විසින් අදාල නඩුවේ දෙවන විත්තිකාර අර්ජුන් ඇලෝසියස් යන අය අධ්යක්ෂවරයෙකු ලෙස ක්රියා කරන වෝල්ට් සහ රෝ ඇසෝසියේට්ස් පෞද්ගලික සමාගමේ නමට ලබාගෙන තිබූ "මොනාර්ක් නිවාස සංකීර්ණයේ" පිහිටි නිවසක පදිංචිව සිටීම තුළින් අල්ලස් පනතේ 19 (ඇ) වගන්තිය යටතේ වරදක් සිදු කළේ යැයි චෝදනා කරමින් අල්ලස් කොමිසම විසින් රවි කරුණානායකට එරෙහිව චෝදනා එල්ල කර තිබෙනවා.
එම කටයුත්තට ආධාර අනුබල දීම සම්බන්ධයෙන් දෙවන විත්තිකාර පර්පචුවල් ට්රෙෂරීස් සමාගමේ අධ්යක්ෂවරයෙකු වන අර්ජුන් ඇලෝසියස්ට එරෙහිවද එම කොමිසම විසින් අධි චෝදනා ඉදිරිපත් කර තිබෙනවා.