‘ජන අරගල සන්ධානය’ විසින් පත්‍රිකා බෙදා හැරීම සඳහා ඉදිකරන ලද කුටියක් ඉවත් කිරීමට පොලිසිය උත්සාහ කිරීමත් සමඟ මහරගමදී උණුසුම් තත්ත්වයක් හටගෙන තිබේ.
මෙම කුටියේ රජය ඉන්දියාව සමඟ අත්සන් කරන ලද ගිවිසුම්වලට සහ ජාත්‍යන්තර මූල්‍ය අරමුදල (IMF) සමඟ ඇති කරගත් ගිවිසුමට එරෙහිව බැනර් ප්‍රදර්ශනය කර තිබූ බව වාර්තා වේ.
ජන අරගල සන්ධානය විසින් පත්‍රිකා බෙදා හැරීම සහ අත්සන් එකතු කිරීමේ ව්‍යාපාරයක් ද ඇතුළත් විරෝධතා ව්‍යාපාරයක් මහරගමදී සංවිධානය කර තිබුණි.
පදික වේදිකාවේ ඉදිකර තිබූ මෙම කුටිය පදිකයින්ට බාධාවක් බව පෙන්වා දුන් පොලිසිය, එය වහාම ඉවත් කරන ලෙස උද්ඝෝෂකයින්ට දැනුම් දුන්නේය.
එම අවස්ථාවේදී, උද්ඝෝෂකයින් සහ පොලිසිය අතර උණුසුම් වචන හුවමාරුවක් ඇති විය.
පදිකයින්ට බාධාවක් බවට චෝදනා කරමින් පොලිසිය එම කුටිය ඉවත් කිරීමට පියවර ගෙන තිබේ.
අනුර-මෝදි’ හොර ගිවිසුම් ඉරාදමනු.. මහරගම විරෝධතා
