කොළඹ මහනගර සභාවේ මහජන සෞඛ්‍ය දෙපාර්තමේන්තුව විසින් ගාලු මුවදොර හෝටලයේ ප්‍රධාන මුළුතැන්ගෙයින් කොටසක් තාවකාලිකව වසා දැමීමට නියෝග කර තිබේ.
මෙම පියවර ගෙන ඇත්තේ, ආහාර විෂවීම සම්බන්ධයෙන් ලැබුණු පාරිභෝගික පැමිණිලි සහ පසුගිය දින කිහිපය තුළ හෝටලයේ ආහාර භාවිතයෙන් පසුව රෝගී වුණු පුද්ගලයන් කිහිප දෙනෙකු පිළිබඳ වාර්තා අනුවය.
එමෙන්ම, අන්තර්ජාලය හරහා පළවූ පාරිභෝගික අදහස්වල දී හෝටලයේ ආහාර ගුණාත්මකභාවය පිළිබඳ තද පැමිණිලි හෙළිවී තිබුණි.
මේ අනුව, සෞඛ්‍ය දෙපාර්තමේන්තුව විමර්ශනයක් ආරම්භ කළ අතර, පූර්වාරක්ෂක පියවරක් ලෙස මුළුතැන්ගෙය තාවකාලිකව වසා දැමීම සඳහා හෝටල් පාර්ශවයට උපදෙස් ලබා දී ඇත.
කෙසේ වෙතත්, කොළඹ මහනගර සභාව පැවසූවේ අවශ්‍ය නියමයන් හා සෞඛ්‍ය ප්‍රමිතීන් සපුරාලීමෙන් පසුව මුළුතැන්ගෙය නැවත විවෘත කිරීමට අවසර ලබා දී ඇති බවයි
ආහාර විෂ වී ගෝල්ෆේස් හෝටලයේ මුළුතැන්ගෙයි කොටසක් වසාදමයි
