යාපනයේ, පේදුරුතුඩුවේ සිට කොළඹ බලා ධාවනය වෙමින් තිබූ ශ්‍රී ලංකා ගමනාගමන මණ්ඩලයට අයත් බස් රථයක් හලාවත – පුත්තලම ප්‍රධාන මාර්ගයේ දැදුරුඔය ප්‍රදේශයේදී මාර්ගයෙන් ඉවතට පැන ගසක ගැටී අනතුරට ලක්ව තිබේ.
මෙම අනතුරින් බස් රථයේ සිටි මගීන් 21 දෙනෙකු සහ රියදුරු බරපතල තුවාල ලබා ඇත. තුවාල ලැබූවන් හලාවත මූලික රෝහලට ඇතුළත් කර ඇති බව පොලිසිය ප්‍රකාශ කළේය.
රියදුරු ප්‍රදේශවාසීන්ගේ මහත් වෙහෙසක් දරා බේරාගෙන තිබේ. මෙම අනතුර හේතුවෙන් හලාවත – පුත්තලම ප්‍රධාන මාර්ගයේ ගමනාගමනයට බාධා එල්ල විය.
හලාවත පොලිසිය සිද්ධිය සම්බන්ධයෙන් වැඩිදුර පරීක්ෂණ පවත්වයි