විවිධ වංචා හා දූෂණ අක්‍රමිකතා සඳහා දේශපාලනඥයන්ට සහාය දැක් වූ බව කියන උසස් රාජ්‍ය නිලධාරීන් 18 දෙනකු පමණ අත්අඩංගුවට ගැනීමට අල්ලස් හෝ දූෂණ චෝදනා විමර්ශන කොමිෂන් සභාව, අපරාධ පරීක්ෂණ දෙපාර්තමේන්තුව ඇතුළු විමර්ශන කණ්ඩායම් විසින් පරීක්ෂණ ආරම්භ කර තිබේ. විවිධ දූෂණ චෝදනා එල්ල වූ උසස් රාජ්‍ය නිලධාරීන් 5 දෙනකු දැනට විදේශයන් වෙත ගොස් ඇති බවත් ජාත්‍යන්තර සම්මුතීන්ට අනුව ඔවුන් මෙරටට ගෙන්වා ගැනීමට මේ වන විටත් කටයුතු කරමින් සිටින බවත් වාර්තා වේ.
රාජ්‍ය දේපළ අවභාවිත කළ බවට සැක නිලධාරීන්ගේ බැංකු ගිණුම් පරික්ෂා කිරීමට ද පියවර ගෙන ඇති අතර ඊට අදාළව සිදු කළ විමර්ශනවලදී අයුතු ආදායම් සම්බන්ධයෙන් අනාවරණය වී ඇතැයි පරීක්ෂණ මඟින් වාර්තා වී ඇත.
අයථා ලෙස වත්කම් රැස්කිරීමේ සිද්ධියකට අදාළව අල්ලස් කොමිසම, සෞඛ්‍ය අමාත්‍යාංශයේ හිටපු ලේකම් ජනක ශ්‍රී චන්ද්‍රගුප්ත මහතා පසුගිය දා අත්අඩංගුවට ගත් අතර ඔහු ලබන මස 8 වැනිදා දක්වා රක්ෂිත බන්ධනාගාර ගත කිරීමට නියෝග කර ඇත.
ඇමතිවරුන්ට හොරකම් කරන්න උදව් කරපු රජයේ නිලධාරීන් 18කට එරෙහිව අල්ලස් කොමිසමෙන් පරීක්ෂණ -සමහරු රටිනුත් පැනලා
