වසර තිහක් ජපානයේ අධිරාජයා ලෙස කටයුතු කළ අකිහිතෝ අධිරාජයා අද (30) සිය තනතුරෙන් ඉවත් විය. ඔහු සිය තනතුරෙන් ඉවත් වෙමින් ප්‍රකාශ කළේ තමන්ට දැක්වූ සහයෝගය වෙනුවෙන් ජපන් ජනතාවට ස්තුතිවන්ත වන බවයි.
මේ වනවිට 85 හැවිරිදි වියේ පසුවන අකිහිතෝ ජපානයේ රාජ්‍යත්වයට පත්වූයේ 1989 වසරේදීය. ඒ සිය පියාණන් වූ හිරෝහිතෝ අධිරාජයාගේ අභාවයෙන් පසුවයි.
අකිහිතෝ අධිරාජයා සැලකෙන්නේ සියවස් දෙකකට අයත් කාල සීමාවක් තුළ ජපානයේ රාජ්‍යත්වයට පත් පළමු අධිරාජයා ලෙසයි. එසේම දේශපාලන බලය නොමැතිව හුදු නාමික රජෙකු ලෙස පමණක් කටයුතු කළ පළමු ජපන් අධිරාජයා ලෙස ද ඔහු සැලකේ.
අකිහිතෝ අධිරාජයා සිහසුනෙන් සමුගැනීම වෙනුවෙන් විශේෂ සාම්ප්‍රදායික උත්සවයක් පැවති අතර මේ සඳහා එරට අග්‍රාමාත්‍ය ෂින්සෝ අබේ ඇතුලු රජයේ බලධාරීන් සහ ඔටුන්න හිමි කුමරු වන නරුහිතෝ කුමරු ඇතුළු රජ පවුලේ නියෝජිතයන් ද එක්ව සිටියහ.