ලංකාවේ මීට වඩා ගැටලු බොහෝ ඇත. පියුමි හංසමාලිගෙ පවුලෙ ප්‍රශ්න මා ඇතුලු රූපවාහිනි බලන කෝටී දෙකහමාරක ජනතාවට අදාල නැත. මුහුනුපොතෙ කාගෙන් හෝ අහුලාගත් මේ විඩීයෝව පෙන්නා බලාපොරොත්තු වුයෙ කුමක්දැයි මා හට ගැටලුවකි.
මෙය හුදෙක් පියුමි හන්සමාලි ප්‍රශ්නයක් මිස රටේ මේ මොහොතේ දැවෙන ප්‍රශ්නයක් නොවන බව ඔබ නිශ්පාදක මඩුල්ල නොදන්නව විය හැක, ඔබ අඛණ්ඩව ජනතා සම්මානයට පාත්‍රවූයේ අනුන්ගේ කුණු ලොවට පෙන්නාදැයි හිතේ. මේවා පෙන්නන විට පවුලේ කුඩා දරුවන් සමග පුවත් නැරඹිය හැකිදැයිද හිතේ.
ඇයගෙ තත්වය හො පසුබිම කුමක් වුවත් ඇයත් කාන්තාවක් වන අතර, කාන්තාවකට බිම පෙරලාගෙන පහරදීම ලෝකෙට පෙන්වීම මාධ්‍ය සදාචාරයද? ( එය රගපෑමක් හෝ සත්‍යක් වුවත්) , සමාජයට පෙන්නු පණිවිඩය නිවැරදිද? දිල්කා සමන්මලි සහ චතුර අල්විස් ඔබලා හෝ පිළිතුරු ලබාදෙන්න.
ප.ලි.
H.M. ජයවර්ධනයන්ගෙ මළගම පෙන්නවාවීයැයි කියා පුවත් නැරඹු මා ඇතුලු උදවියට හංසමාලිගෙ වීඩියෝව පෙන්නු නුඹලා තවත් මාධ්‍ය සදාචාරය ගැන කතා කිරීමට යෝග්‍ය නොවේ, මක්නිසාද දේශපාලුවන් නීතිය දූෂනය කරනවා මෙන්, සම+හරක් ගායකයක් කලාව දූෂනය කරනවා මෙන්, ඔබලාද පණ පිටින් මාද්‍ය සදාචාරය කෙළෙසා ඇත.
- එරන්ද ඉන්ද්‍රජිත් -